ՁԵՌԱԳՐԱԲԱՆՈՒԹՅՈՒՆ․ ՁԵՌԱԳԻՐԸ ՄԱՐԴՈՒՆ ԲՆՈՒԹԱԳՐԵԼՈՒ ՄԻՋՈՑ

Հոգեբանության մեջ գոյություն ունեն մարդու բնավորությունը հասկանալու բազմաթիվ մեթոդներ, որոնցից մեկն էլ ձեռագրաբանությունն է։

6070
ձեռագիր

Internest.am-ը ներկայացնում է ձեռագրերի տեսակներն ու դրանցով բնորոշվող բնավորության գծերը։

Մարդու բնավորությունն ու ձեռագիրը անքակտելիորեն կապված են մեկը մյուսին։ Ինչպես գիտենք, ուղեղն է ղեկավարում ձեռքերի աշխատանքը, հետևաբար կարելի է հասկանալ՝ ինչ հոգեբանական գործընթացներ են տեղի ունենում մարդու գիտակցության մեջ, ինչը թույլ է տալիս պարզելու բնավորության առանձնահատկությունները։
Այս գիտությունը կոչվում է ձեռագրաբանություն։ Ուղեղի ձախ կիսագնդում կա մի կենտրոն, որը պատասխանատու է այս ունակության համար։ Մարդու ձեռագիրն ունի անընդհատ փոփոխվելու հատկություն, ինչպես և մարդու բնավորությունը, որն ամբողջ կյանքի ընթացքում ենթարկվում է փոփոխությունների։ Ձեռագրի ձևավորումը սկսվում է 8 և ավարտվում 20 տարեկանում։
Անձի անհատական բնութագրման համար պետք է ուշադրություն դարձնել որոշակի չափանիշների։

Թույլ։ Ռոմանտիկները կամ չափազանց զգամունքային մարդիկ առանձնանում են իրենց թեթև ձեռագրով․ կարծես գրում են առանց թղթին դիպչելու։ Նրանք կոկիկ են, զգույշ և ուզում են ամեն ինչ անել գեղեցիկ ու ճիշտ։ Բայց երբեմն նման անհատականություններն ունակ չեն լինում պաշտպանելու իրենց հետաքրքրություններն ու իրավունքները։
Ուժեղ։ Սա ցույց է տալիս մարդու ինքնավստահությունը, նպատակասլացությունն ու կայունությունը։ Նման մարդիկ շատ ակտիվ են, եռանդուն են ու եթե որևէ բան արդեն որոշել են, ապա հազվադեպ են փոխում իրենց կարծիքը։

Թեքություն
Դեպի ձախ ուղղված թեքությունը բնորոշ է նրանց, ովքեր հաճույք են ստանում իրենց հետաքրքրություններից՝ ուշադրություն չդարձնելով, թե շրջապատողներն ինչ են ասում ու մտածում։ Նրանք իրենց ես-ը համարում են առաջնային և որքան թեք է ձեռագիրը, այնքան մարդն անկախ է ու ինքնաբավարարված։
Դեպի աջ ուղղված թեքությամբ ձեռագիր ունեցող մարդիկ շփվող են ու անկայուն (այսինքն՝ հակված են տրամադրության հաճախակի փոփոխությունների ), բայց նաև հավասարակշռված են։
Հորիզոնական ու հավասար ձեռագիրը նշանակում է ներդաշնակություն ու հավասարակշռություն։ Չնայած զգացմունքայնությանը նրանք ռացիոնալ որոշումներ են կայացնում։ Նրանց հետ հաղորդակցվելը դժվար է, քանի որ աչքի են ընկնում բացառիկ համառությամբ։

Չափերը
Խոշորատառ ձեռագրով մարդիկ բաց են ու բարեսիրտ։ Այս ձեռագիրը բնորոշ է ստեղծագործական միտք, կրեատիվ մտածողություն ու ամեն ինչի մեջ գեղեցիկը տեսնող մարդկանց։
Նեղ տառերը բնորոշ են խնայող ու բանականությամբ առաջնորդվող մարդկանց։ Գործում են՝ հիմնվելով իրենց շրջահայացության վրա։
Խոշոր տառերը (3 մմ-ից մեծ) բնորոշ են բարեհոգի ու բացսիրտ մարդկանց, ովքեր կարողանում են լեզու գտնել ցանկացած մարդու հետ։
Մանր տառերը խորհրդանշում են պատասխանատվությունը։ Այս տեսակի մարդկանց կարելի է տալ այնպիսի հանձնարարություններ, որոնք պահանջում են աշխատասիրություն, մանրակրկիտություն և ուշադրություն։ Նրանք ինքնամփոփ են, ձգտում են թաքցնել իրենց զգացմունքները, չեն կիսվում իրենց մտքերով, անձնական խնդիրներով։

Ուրվագիծ
Կլոր։ Այսպիսի անհատականությունները շատ հեշտ են զիջումների գնում, բարի են ու անկեղծ։ Նրանց վրա կարելի է հույս դնել․ անհրաժեշտության դեպքում անմիջապես հասնում են օգնության։

Անկյունավոր։ Համառությունն ու ինքն իր վրա կենտրոնանալու ձգտումը, մարդկանց հետաքրքրությունները, զգացմունքները նրանց չեն անհանգստացնում։ Ուզում են անկախ թվալ, այդ իսկ պատճառով բացասաբար են արձագանքում նրանց, ովքեր փորձում են խորհուրդներ տալ կամ ուղղություն ցույց տալ։

Տողերի դիրքը
Երբ տողի վերջում բարձրանում է վեր, բնորոշում է կենսուրախությունն ու լավատեսությունը։
Երբ հավասարությունը պահպանվում է, նշանակում է մարդը հավասարակշռված է, կայուն ու ռացիոնալ։
Երբ տողի վերջում իջնում է ներքև, նշանակում է տվյալ անհատականությունը վատատես է։
Մշտապես փոփոխվող ձեռագիրը բնորոշ է փոփոխական մարդկանց։

Այժմ գիտեք, թե ձեռագիրն ինչքան բան կարող է պատմել մարդու մասին։ Փորձեք զարգացնել Ձեր մեջ հոգաբենական կարողություններն ու ճիշտ ընկալել դիմացինի բնավորությունը։

 

 

In this article


Join the Conversation