ԱՐԴՅՈՒՆԱՎԵՏ ԲԱՆԱԿՑՈՒԹՅՈՒՆՆԵՐԻ 17 ԿԱՆՈՆ

Վաճառքների, բանակցությունների մասնագետ  և բիզնեսի զարգացման պատասխանատու Արթուր Խաչատրյանը ներկայացնում է բանակցային հմտությունների 17 կանոն, որոնք հիմնված են հայկական շուկայի փորձի վրա:

5961
Արթուր-Խաչատրյան
  1. Դիմացինին դիտարկեք ոչ թե որպես հաճախորդ այլ գործընկեր:
  2. Բանակցությունից առաջ ունեցեք բանակցության հետագա  զարգացման մի քանի տարբերակ:
  3. Հանդիպման ներկայանալուց առաջ հաշվի առեք, որ այն կարող է ձգվել ձեր նախատեսած ժամանակից մի քանի անգամ ավելի:
  4. Բանակցության գնալուց առաջ նախապես ուսումնասիրեք տվյալ ընկերությունը, ընկերության աշխատակազմը, իմանացեք այնպիսի մանրամասներ, ինչպիսիք են՝ հիմնադրման տարեթիվը, ծառայությունների տեսակը: Հավաքեք հնարավորինս շատ տեղեկություններ, ինչը կօգնի երկարաձգել զրույցն ու նոր հարաբերությունների հիմք դնել:
  5. Հանդիպման ներկայացեք ձայնը անջատած բջջայինով: Ուշացման դեպքում հանդիպման սկզբում և ավարտին հայցեք ներողություն:
  6. Նոթատետրի ու գրչի առկայությունը ցանկալի է, բայց ոչ պարտադիր: Դրանք կարող եք չվերցնել միայն այն դեպքերում, երբ վստահ եք, որ կհիշեք խոսակցության ընթացքում քննարկված կարևոր կետերը:
  7. Փորձեք հասկանալ ձեր և դիմացինի հետաքրքրությունների շրջանակը և փորձեք գտնել իրար հետ կապող օղակները:
  8. Երբ հանդիպման կազմակերպիչը կամ նախաձեռնողը դուք եք, ապա զրույցի մեկնարկը պետք է լինի ձեր կողմից:
  9. Բանակցության ընթացքում պահեք տեսողական կոնտակտ զրուցակցի հետ, կենտրոնացեք միայն քննարկվելիք թեմայի վրա՝ մոռանալով այլ խնդիրների մասին:
  10. Բանակցությունների ընթացքում խուսափեք օտար լեզուներով եզրույթների օգտագործումից:
  11. Սկզբում ներկայացրեք սեփական անձը՝ առավել պրոֆեսիոնալ կլինի, եթե նախնական ներկայացման խոսքը կազմվի այնպես, որ չգերազանցի 3-6 բառը, այնուհետև՝ քննարկվելիք թեման:
  12. Հաճախ բանակցությունները տապալվում են, երբ կողմերից մեկն ունի հարցեր, սակայն այն այդ պահին նշելուց խուսափում է՝ թողնելով հաջորդ անգամվա համար, ինչն էլ հետագայում խնդիրների պատճառ կարող է դառնալ:
  13. «Ես ցանկանում եմ», «Մենք ցանկանում ենք», «Ես որոշել եմ» և նման արտահայտություններն անթույլատրելի են:
  14. Չի խրախուսվում խոսել այն թեմաների մասին, որոնց տեղեկացված չեք:
  15. Երբ բանակցությունը ենթադրում է վաճառք, ապա պետք է նշել ձեր կողմից արված նախագծերի քանակը, սեփական փորձը, ձեռքբերումները, գործընկեր կազմակերպությունների անունները:
  16. Վաճառքների դեպքում ընտրության հնարավորություն տվեք կամ առաջարկեք մի քանի տարբերակ:
  17. Հանդիպման վերջում հանդես եկեք ամփոփիչ կամ ավարտական խոսքով, ևս մեկ անգամ հաստատեք պայմանավորվածությունը, որից հետո պայմանավորվեք հետագա ընթացքի շուրջ:

Այս հոդվածը 600 և ավելի բանակցության վերլուծության արդյունք է։ Ընդ որում 65%- ում բանակցությունների արդյունքը եղել է արդյունավետ:

Հեղինակ՝ Արթուր Խաչատրյան

Այս հոդվածում՝


Միանալ զրույցին