Եվ այսպես՝ ինչպես հաճախորդին համոզել՝ գտնել խնդրի լուծումը:
Խնդիրը հաճախորդին ցույց տալու համար անհրաժեշտ է անցկացնել տվյալ ընկերության բիզնես գործընթացների ոչ մեծ հետազոտություն: Դա արագ ու որակով անելու համար ձեզ անհրաժեշտ կլինի բարձրագույն ղեկավարության պաշտոնական թույլտվությունը, ինչի մասին պետք է խնդրել հենց առաջին հանդիպմանը կամ պրեզենտացիային: Հաջողության շանսերը մեծացնելու համար հարկավոր է հարցումը ճիշտ «փաթեթավորել» մինի արտադրանքի ձևով ու վաճառել ընկերության ղեկավարությանը: Այդ «փաթեթավորման» համար կպահանջվի հաճախորդին նկարագրել այն աշխատանքները, որոնք պատրաստվում եք կատարել և այն, թե ինչ է դրա համար պահանջվում հաճախորդից, մասնավորապես՝
- ինչպիսին է պլանավորվող աշխատանքների ցանկը
- ինչ ժամկետում է վերլուծություն կատարվելու
- ինչ փաստաթղթեր կպահանջվեն վերլուծության համար
- ինչ ձևով են ներկայացվելու վերլուծության արդյունքները
- որոնք են հաճախորդից ստացվող տեղեկատվության գաղտնիության պահպանման երաշխիքները
- ինչ կարժենա վերլուծությունը:
Ինչպես վերլուծել խնդիրները
Իրականում տեղեկատվության վերլուծությունը սկսվում է հենց նույն օրը, երբ սկսում եք ուսումնասիրել հաճախորդի ընկերության վիճակը: Խոսելով ղեկավարության, աշխատակիցների հետ, ուսումնասիրելով փաստաթղթերը, դիտարկելով արտադրական գործընթացների կազմակերպումը՝ անմիջապես կարելի է նկատել ոչ ճիշտ գործողությունները: Արդյունքները կարելի է վերլուծել Excel աղյուսակով՝ հետևյալ սյուների տեսքով՝
- գործողությունների ցուցակ
- մեկ գործողության վրա ծախսվող ժամանակ
- գործողության հաճախականությունը, դիցուք՝ օրական
- երկրորդ և երրորդ սյուների արտադրյալը
- գործողության արժեքը
- չորրորդ և հինգերորդ սյուների արտադրյալը, որպեսզի ստանանք կորուստների ծավալները դրամական արտահայտությամբ:
Այնուհետև կատարվում է 6-րդ սյունակի տվյալների տեսակավորում և աղյուսակի վերին տողեր են դուրս բերվում ամենաթանկ արժեցող ու անպետք գործողությունները:
Անկասկած, եթե կարելի է հաշվարկել առանձին գործառնություններում կորուստները կամ դրամական կորուստները, սա ամենաարդյունավետ եղանակն է՝ հաճախորդին համոզելու, որ լուրջ վերաբերվի հայտնաբերված խնդիրներին:
Միանալ զրույցին