ՍԹԻՎ ՋՈԲՍԻ 10 ԻՄԱՍՏՈՒՆ ԴԱՍԵՐԸ ՍԵՐՈՒՆԴՆԵՐԻՆ

Սթիվ Ջոբսն այնպիսի մարդկանցից է, ում մահվանից հետո ոչ միայն շարունակում են ապրել նրա գործերը, այլև մտքերը: Նրա յուրաքանչյուր միտք կյանքի իմաստուն դաս է, որը նա փոխանցել է սերունդներին անկեղծ նվիրումով և աշխարհն ու մարդկանց ավելի լավը տեսնելու երազանքով:

10705
Սթիվ Ջոբսի 10 խորհուրդները

ՀԵՏԵՎԵՔ ՁԵՐ ՍՐՏԻ ԿԱՆՉԻՆ

Ձեր աշխատանքը ձեզնից չափազանց շատ ժամանակ է տանելու, և միակ միջոցը կյանքից բավարարված լինելու՝ սիրած գործով զբաղվելն է: Դուք պետք է սիրեք ձեր աշխատանքը: Եթե այդպիսի աշխատանք դեռ չեք գտել, շարունակեք որոնումները: Մի հանձնվեք: Երբ գտնեք այն, անմիջապես կհասկանաք, որ դա հենց այն է, ինչ փնտրում էիք: Եվ ինչպես դա լինում է ճիշտ հարաբերությունների պարագայում, ձեր սերն ու կիրքը ձեր գործի հանդեպ տարիների հետ միայն կմեծանա:

ՄՏԱԾԵՔ ԱՅԼ ԿԵՐՊ

Նոր մտքերը չեն գա, եթե նստեք ու սպասեք նրանց: Խոսեք մարդկանց հետ, հետևեք աշխարհին, դուրս եկեք տուն-աշխատանք փակ շղթայից, հարցեր տվեք ինքներդ ձեզ ու պատասխաններ փնտրեք: Փորձեք: Դուք երբեք չեք իմանա, թե ինչ եք փնտրում, մինչև չգտնեք այն:

ՓՈԽԵՔ ՁԵԶ ՇՐՋԱՊԱՏՈՂ ԱՇԽԱՐՀԸ

Ինձ չի ուրախացնում այն փաստը, որ ես լինելու եմ ամենահարուստ մարդը գերեզմանատանը: Մինչդեռ մահանալ՝ մտածելով, որ ես ինչ-որ հրաշալի բան եմ արել, արդեն իսկ երջանկություն է: Մենք ծնվել ենք աշխարհում մեր ներդրումն ունենալու համար: Հակառակ դեպքում, ինչո՞ւ ենք մենք այստեղ: Միայն նա, ով կարծում է, որ ինքը կարող է փոխել աշխարհը, անում է դա:

ՎԱՃԱՌԵՔ ԵՐԱԶԱՆՔՆԵՐ, ԱՅԼ ՈՉ ԹԵ ԱՊՐԱՆՔՆԵՐ

Ձեր սպառողները երազում են ավելի լավ ու ավելի երջանիկ կյանքի մասին: Ստեղծեք իրեր, որոնք կերջանկացնեն նրանց, կհարստացնեն նրանց կյանքը, և դա ձեզ ամենից շատ եկամուտը կբերի:

ՍՏԵՂԾԵՔ ԱՐՏԱԴՐԱՆՔ ԱՍԵՍ ԻՆՔՆԵՐԴ ՁԵԶ ՀԱՄԱՐ

Երբ մենք ստեղծում էինք Mac-ը, մենք այն չէինք ստեղծում ինչ-որ անորոշ մեկի համար: Մենք անում էինք դա ինքներս մեզ համար: Մենք ասես այն ընտրյալներն էինք, որ պետք է որոշեին, ինչն է լավ և ինչը՝ վատ: Մենք չէինք անում հետազոտություններ: Մենք ստեղծում էինք իդեալական արտադրանք ու փորձում էինք լինել որակի չափանիշ:

ՄԻ ՎԱԽԵՑԵՔ ԱՍԵԼ «ՈՉ»

Երբեմն հարկավոր է ասել «ոչ», որպեսզի կենտրոնանանք ավելի կարևոր գործերի վրա: Դուք չեք կարող անել շատ բան նույնքան հրաշալի: Կյանքը կարճ է, և որոշել՝ ինչ չանել, նույնքան կարևոր է, որքան որոշելը, թե ինչ անել:

ՄԻ ԲԱՐԴԱՑՐԵՔ

Կենտրոնացվածություն ու պարզություն: Դա իմ ամենակարևոր չափանիշներն են: Պարզությունը կարող է ավելի բարդ լինել, քան բարդ բաները: Որպեսզի ձեր ուղեղը հասնի այդ պարզությանը, պետք է շատ աշխատել: Բայց այդ ջանքերը մի բան արժեն: Հասնելով այդ վերջին կետին՝ իդեալական պարզությանը՝ դուք կարող եք սարեր շարժել:

ՆՊԱՏԱԿ ՈՒՆԵՑԵՔ

Միմիայն նպատակի առկայությունն է ձեր կյանքին իմաստ ու բավարարվածություն բերելու: Հենց նպատակն է լավացնելու ձեր առողջությունը, ձեզ երկարակյաց դարձնելու, այն լավատեսության կաթիլ է լինելու ձեզ համար անգամ ամենադժվար պահերին:

ՄԻ ԱՊՐԵՔ ՈՒՐԻՇԻ ԿՅԱՆՔՈՎ ԵՎ ՈՒՐԻՇԻ ՄՏՔԵՐՈՎ

Ձեր կյանքը սահմանափակ է: Մի ընկեք ծուղակը, թույլ մի տվեք այլ մարդկանց կարծիքներին խլացնել ձեր ներքին ձայնը: Համարձակություն ունեցեք հետևելու ձեր ներքին ձայնին ու ենթագիտակցությանը: Նրանք գիտեն, թե դուք իրականում ինչ եք ցանկանում դառնալ: Եվ իհարկե, ամեն օր հարցրեք ձեզ. «Եթե սա իմ վերջին օրը լիներ, արդյոք ես կանեի այն, ինչ անում եմ այսօր»: Եթե երեք օր շարունակ ձեր պատասխանը բացասական է, ապա շտապ պետք է ինչ-որ բան փոխել:

ՀԻՇԵՔ, ՈՐ ՄԻ ՕՐ ՄԱՀԱՆԱԼՈՒ ԵՔ

Այն միտքը, որ դու շուտով մահանալու ես, հզոր զենք է, որն օգնում է կյանքում ճիշտ որոշումներ կայացնել: Այդ մտքի առջև բոլոր մյուս պատճառները, խոչընդոտները, կասկածները, հպարտությունն ու վախերը նահանջում են՝ թողնելով միայն այն, ինչ իսկապես կարևոր է: Մահվան մասին հիշելն ամենալավ միջոցն է խուսափելու այն մտքից, որ դուք կորցնելու բան ունեք: Դուք արդեն իսկ մերկ եք մահվան առաջ: Եվ դա նշանակում է, որ դուք ոչ մի պատճառ չունեք ձեր սրտի ձայնին չհետևելու:

In this article


Join the Conversation