ԻՆՉՈ՞Ւ ԵՆ ՍՏԱՐՏԱՓԵՐԸ ՁԱԽՈՂՎՈՒՄ

Ստարտափի ձախողման պատճառները կարող են շատ տարբեր լինել։ Ներկայացնում ենք մի քանի պատճառ, որոնք կօգնեն խուսափել բոլոր հավանական ձախողումներից։

279
ստարտափ

Երբեք մի շտապեք

Պատկերացրեք որևէ երիտասարդ ձեռնարկատիրոջ, ով հիանալի ստարտափի գաղափար ունի, մեծ ներդրումներ է կատարում, բայց ոչ մի արդյունք՝ միայն պարտքեր ու պարտքեր։ Ստարտափը ձախողվում է։ Ինչո՞ւ, որովհետև երիտասարդ բիզնեսմենը մոռացել էր բիզնեսի զարգացման մի շատ կարևոր կետի՝ բիզնես պլանի մշակման մասին։
Նախքան ապրանքը ստեղծելը, մտածեք թիրախային լսարանի մասին, արդյոք կգնեն ձեր ստեղծած ապրանքը։ Կամ խորհրդակցեք բիզնես-վերլուծաբանների հետ, ովքեր կլուծի բոլոր հարցերը ձեր փոխարեն։

 

Ամեն ինչ իր ժամանակն ունի

Շտապել պետք չէ, սակայն դանդաղել նույնպես։ Ստարտափերի ձախողումը մեծամասամբ պայմանավորված է նրանով, որ իր գործունեությունը սկսում է ոչ ճիշտ ժամանակին։ Հնարավոր է ստարտափի գաղափարը լինի գերազանց, բայց ժամանակն՝ անպատեհ։

 

Առավոտը բարի է․ սա ստարտափի մասին չէ

Ստարտափի անհաջողության հիմնական պատճառներից մեկն այն սպառողին ուշացումով ներկայացնելն է։ Մինչ դուք կհասկանաք՝ ձեր ստարտափն արդյոք որևէ արժեք ներկայացնում է, թե՞ ոչ, դա կարող են իրականացնել մյուսները։ Հնարավոր է արդեն ապրանքն արդիական չլինի։

 

Մեկը բոլորի, իսկ բոլորը մեկի համար

Ստարտափի հաջողությունը թիմային պրոֆեսիոնալ աշխատանքի մեջ է։ Ներդրողները ստարտափի հեղինակներին դիտում են որպես վստահություն չունեցող մարդկանց, ովքեր ուզում են ամբողջ աշխատանքն անել ինքնուրույն, բայց չեն կարողանում։ Ահա, թե որն է ձախողման պատճառը։ Ստարտափի թիմը պետք է լինի պրոֆեսիոնալ՝ չարժե բիզնեսը սկսել նրանց հետ, ովքեր ուղղակի ձեր ընկերներն են։ Ավելի լավ է աշխատել ծանոթների հետ, ովքեր հիանալի տիրապետում են իրենց աշխատանքին։

 

Փողը խելք է սիրում

Առանց բյուջեի ստարտափը երկար դիմակայել չի կարողանա։ Դժվար թե գտնվեն այնպիսի մարդիկ, ովքեր կհամաձայնեն անվճար աշխատել։

Ստարտափը բիզնեսի վերածելուց առաջ անպայման հաշվի առեք ձախողման բոլոր պատճառներն ու փորձեք հաղթահարել խոչընդոտները՝ ստարտափը հասցնելով հաջողության։

 

In this article


Join the Conversation