էժան ավիատոմսը հնարավորություն է տալիս խնայված գումարով մի քանի անգամ ավելի շատ ճանապարհորդել: Տոմսի արժեքը կախված է շաբաթվա օրվանից, տարվա եղանակից և շատ այլ հանգամանքներից:
- Գնեք ավիատոմս վաղ առավոտյան կամ գիշերը՝ մինչ աշխատանքային օրվա սկիզբը: Այդ ժամերին ավիատոմսերի գները համեմատաբար էժան են լինում, և ընտրությունն էլ՝ մեծ:
- Ավիատոմսի գինն ամենացածրն է լինում չվերթից մոտավորապես երկու ամիս առաջ: Հիշեք, ինչքան ինքնաթիռում տեղերը քիչ են մնում, այնքան ավիատոմսը թանկանում է:
- Հետևեք ավիաընկերությունների կայքերին ու սոցիալական էջերին, և առաջինը տեղեկացեք զեղչերի ու հատուկ առաջարկների մասին: Զեղչեր հիմնականում լինում են փետրվար-մարտ, ինչպես նաև հոկտեմբեր-նոյեմբեր ամիսներին: Մի մոռացեք հետևել «Սև Ուրբաթ» և «Կիբեր Երկուշաբթի» զեղչերի տոնավաճառներին, որոնք անց են կացվում նոյեմբերի վերջին: Այդ օրերին ավիաընկերություններում ևս մեծ զեղչեր են լինում:
- Գնեք էժան ավիատոմսեր ժամանում/մեկնում տարբերակով շաբաթվա կեսին: Երեքշաբթի, չորեքշաբթի և հինգշաբթի օրերին ավիատոմսերն ավելի մատչելի են լինում, քան հանգստյան և տոնական օրերին:
- Այն չվերթները, որոնց մեկնումը գիշերային ժամերին է լինում, տոմսերն ավելի էժան են լինում, քան ցերեկային չվերթներինը, սակայն հաշվի առեք, որ այդ ժամերին պետք է օգտվեք տաքսիներից կամ այլ տրանսպորտային միջոցներից, որոնք իրենց հերթին թանկ են լինում գիշերային ժամերին:
- Օգտվեք որոնողական ծրագրերից, ինչպիսին օրինակ՝ biletix.am հարթակն է: Մուտքագրելով ձեր նախընտրած ուղղությունը՝ դուք կստանաք մի շարք մատչելի տարբերակներ: Պետք է միայն ընտրել:
- Օգտվեք հարևան երկրների ավիաընկերության առաջարկներից: Գուցե գտնեք ավելի էժան և հարմար տարբերակ: Հաճախ պատահում է, որ երկու չվերթ փոխելով՝ դուք գումար եք խնայում:
- Դարձեք ակումբների անդամ: Դա ձեզ թույլ կտա գնել էժան ավիատոմս, ինչպես նաև օգտվել շատ այլ ծառայություններից մատչելի գներով:
- Ամրագրեք ավիատոմս մի քանի հոգու համար հենց ավիաընկերությունից և ոչ թե միջնորդ կազմակերպությունից:
- Որոշ բանկեր առաջարկում են հավաքել բոնուսներ, որոնք հետագայում կարող եք վերածել գումարի և նույնիսկ անվճար ձեռք բերել ավիատոմսեր:
- Մաքրեք համակարգչի cookie-ներն ու cache-ն: Եթե դուք արդեն փնտրել եք էժան ավիատոմսեր, ձեր համակարգչի որոնողական համակարգում կամ որևիցե կայքում կպահպանվեն ձեր որոնումներն ու կրկին փնտրելու դեպքում հնարավոր է հին տվյալներն առաջարկվեն ձեզ:
- Եթե մեկնում եք Փարիզ, պարտադիր չէ չվերթն ընտրել ուղիղ դեպի Փարիզ: Կարող եք ընտրել հարակից քաղաքներից մեկը: Հաճախ նման ավիատոմսն ավելի էժան է լինում, քան հայտնի մեգապոլիս մեկնող ինքնաթիռներինը: Բացի այդ, հավելյալ հնարավորություն է ստեղծվում ճամփորդելու, եթե, իհարկե, չեք
շտապում:Ահա մի քանի հետաքրքիր խորհուրդներ և հնարքներ, որոնք հուսով ենք կօգնեն ձեռք բերել մատչելի ավիատոմսեր և վայելել ձեր հանգիստը՝ խնայելով գումար:
Միանալ զրույցին