ԱՐԴԱՐԱՑՈՒՄՆԵՐ, ՈՐՈՆՔ ՉԻ ԸՆԴՈՒՆՈՒՄ ՀԱՋՈՂՈՒԹՅՈՒՆԸ

Մենք սիրում ենք անընդհատ արդարացումներ փնտրել, բայց հաջողության հասնելու և կյանքում իսկապես նշանակալի ինչ-որ բան անելու համար բոլորովին պարտադիր չէ սպասել իդեալական նախապայմանների: Դրանք գրեթե երբեք իդեալական չեն լինում: Այնպես որ, հարկավոր է առաջնորդվել միայն ցանկությամբ:

3193
Արդարացումներ, որոնք չի ընդունում հաջողությունը

Ահա հաջողության պատմություններ, որոնց հերոսները ադարացումներ չեն փնտրել, այլ պարզապես գործել են և թողել իրենց հետքը պատմության մեջ: Հաջողությունը չի ընդունում արդարացումներ, այն ընդունում է միայն արված գործերը և պարգևատրում համառներին ու համարձակներին:

«ԵՍ ՓՈՐՁԵԼ ԵՄ, ԻՆՁ ՄՈՏ ՉԻ ՍՏԱՑՎԵԼ»

ՀԵՆՐԻ ՖՈՐԴ

Արդարացումներ, որոնք չի ընդունում հաջողությունըՀենրի Ֆորդի առաջին ավտոմոբիլային ընկերությունը սնանկացավ: Երկրորդը նա թողեց գործընկերների հետ վեճերի պատճառով, իսկ երրորդը չկարողացավ հասնել մեծ վաճառքների: Այն, ինչ կկոտրեր ուրիշներին, չկարողացավ կանգնեցնել Հենրի Ֆորդին, հակառակ դեպքում նա հաստատ չէր դառնա ԱՄՆ ողջ պատմության մեծագույն ձեռնարկատերերից մեկը:

ՍՈԻՉԻՐՈ ՀՈՆԴԱ

Արդարացումներ, որոնք չի ընդունում հաջողությունըՍոիչիրո Հոնդան ծնվել էր աղքատ ընտանիքում և դեռ մանկուց ստիպված էր օգնել հորը գումար վաստակել: Երիտասարդ տարիքում նա փորձեց ինժեների աշխատանք ստանալ Տոյոտայի գործարանում, սակայն ապարդյուն: Երկար ժամանակ նա գործազուրկ էր՝ առանց գոյատևման միջոցների, քանի որ չէր կարողանում գոհացնել ոչ մի գործատուի: Որոշ ժամանակ անց ավտոմեքենաներ վերանորոգելով՝ նա իր փոքրիկ սեփական գործը հիմնեց, սակայն բիզնես վարելու համար գումարը, միևնույն է, բավարար չէր: Նա ստիպված գրավ դրեց կնոջ թանկարժեք զարդերը, սակայն դա էլ բավարարեց միայն կարճ ժամանակով:

Հուսահատված ու սնանկացած Սոիչիրոն մեկնեց գյուղ: Թվում էր՝ եկել է հանձնվելու ժամանակը, բայց Հոնդան շարունակում էր ինչ-որ բաներ հորինել ու փորձարկել: Մի անգամ նա կնոջ հեծանվին կերոսինային շարժիչ ամրացրեց և ստացվեց մոպեդի պես մի բան: Արդյունքը գոհացրեց թե իրեն, թե այլ մարդկանց, ովքեր նույնպես ցանկացան այդպիսի մոպեդ ունենալ: Սոիչիրո Հոնդան հիմնեց մոպեդների արտադրություն, հետո՝ մոտոցիկլների և վերջապես ավտոմեքենաների: Նրա Honda ընկերությունը ծաղկում ու զարգանում է առ այսօր:

ՄԱՅՔԼ ՋՈՐԴԱՆ

Արդարացումներ, որոնք չի ընդունում հաջողությունըԴպրոցում Մայքլ Ջորդնաին չընդգրկեցին բասկետբոլի թիմի կազմում, որովհետև մարզիչը որոշեց, որ նա չունի համապատասխան ընդունակություններ: Բայց Մայքլին դա չկանգնեցրեց, և նա համառորեն շարունակեց մարզվել:

Հետագայում էլ նրա կարիերան հեշտ չընթացավ: Նա վրիպեց ավելի քան 9 000 անգամ և պարտվեց ավելի քան 300 խաղում: Բայց հենց այսպիսի կենսափորձը օգնեց նրան դառնալ իրական չեմպիոն և աշխարհի ամենաբարձր վարձատրվող բասկետբոլիստներից մեկը ողջ պատմության ընթացքում:

«ԵՍ ՀԱՄԱՊԱՏԱՍԽԱՆ ԿՐԹՈՒԹՅՈՒՆ ՉՈՒՆԵՄ»

ԿՈՆՍՏԱՆՏԻՆ ՑԻՈԼԿՈՎՍԿԻ

Արդարացումներ, որոնք չի ընդունում հաջողությունըՑիոլկովսկին ծնվել էր մի փոքրիկ գյուղում՝ անտառապահի ընտանիքում: Նա մեկնեց սովորելու Մոսկվա, սակայն չկարողացավ ընդունվել համալսարան և սկսեց ակտիվորեն զբաղվել ինքնակրթությամբ: Կարողացավ ստանալ թվաբանության և աշխարհագրության ուսուցչի աշխատանք Կալուգայի ուսումնական հաստատություններից մեկում: Հենց այստեղ նա սկսեց ուսումնասիրել տիեզերքն ու դրեց տեսական տիեզերագնացության հիմքերը: Եվ այս ամենը դեռ այն տարիներին, երբ տիեզերք թռչելու մասին մարդիկ չէին էլ երազում:

Նա առաջինը հիմնավորեց հրթիռների օգտագործումը դեպի տիեզերք թռիչքների համար, ուսումնասիրեց ավիացիան և հրթիռային դինամիկան: Այս ինքնուս մարդը դարձավ 20-րդ հարյուրամյակի ամենաակնավոր ու ճանաչված գիտնականներից մեկը:

ԲԻԼԼ ԳԵՅԹՍ

Արդարացումներ, որոնք չի ընդունում հաջողությունըԵրկիր մոլորակի ամենահարուստ մարդկանցից մեկը 20 տարեկանում հեռացվեց Հարվարդի համալսարանից, սակայն դա նրան չխանգարեց հենց նույն տարում հիմնել իր Microsoft ընկերությունը:

ՔՎԵՆՏԻՆ ՏԱՐԱՆՏԻՆՈ

Արդարացումներ, որոնք չի ընդունում հաջողությունըԵրկու Օսկար և բազմաթիվ այլ մրցանակներ ստացած ռեժիսորը չի ավարտել ոչ մի կինոակադեմիա և նույնիսկ դպրոցում մեծ դժկամությամբ է սովորել: 15 տարեկանում աշխատանքի ընդունվելով կինոթատրոնում՝ նա դիտեց անթիվ-անհամար ֆիլմեր, և վստահ որոշում կայացրեց. կինոն պետք է դառնա իր մասնագիտությունը: Ինչպես տեսնում ենք. դա նրան հաջողվեց:

«ԵՍ ՓՈՂ ՉՈՒՆԵՄ»

ժԵՐԱՐ ՖԻԼԻՊՍ

Արդարացումներ, որոնք չի ընդունում հաջողությունըԱյսօր Philips-ը շուկայի առաջատարն է տղամարդկանց համար սափրվելու պարագաների արտադրության ոլորտում, ինչպես նաև մի շարք այլ տեխնիկական սարքերի խոշորագույն արտադրողներից մեկն է՝ ժամանակակից բժշկական սարքավորումներ, ինովացիոն լուսավորության համակարգեր, ապրանքներ տան համար և այլն: Մինչդեռ գյուտարար և Philips-ի հիմնադիր Ժերար Ֆիլիպսը սկզբում քիչ էր մնում վաճառեր իր ընկերությունը:

Նա հիմնել էր շիկացման լամպերի արտադրություն, սակայն վնասով էր աշխատում: Երբ Ֆիլիպսը փորձեց վաճառել ընկերությունը, միայն մեկ գնորդ հայտնվեց, սակայն վերջինս այնքան ծիծաղելի գումար առաջարկեց ընկերության համար, որ վիրավորված Ժերարը հրաժարվեց առաջարկից: Եվ չնայած ընկերությունը դեռ երկար ժամանակ եկամուտ չէր բերում, բայց Ֆիլիպսը չէր դադարում փարձարկումներ անել և ընկերությունը զարգացնելու ուղիներ որոնել:

ՌԵՅ ԲՐԵԴԲԵՐԻ

Արդարացումներ, որոնք չի ընդունում հաջողությունըՌեյ Բրեդբերին, ով այնպիսի հայտնի ստեղծագործությունների հեղինակ է, ինչպիսիք են «Մարսյան տարեգրությունները», «451 աստիճան ըստ Ֆարենհայթի» և «Խատուտիկի գինի» վիպակները, չի ստացել մասնագիտական կրթություն, որովհետև քոլեջ ընդունվելու համար գումար չուներ: Սակայն Բրեդբերին ամեն օր գնում էր գրադարան, անդադար կարդում էր ու սովորում գրել:

«ԵՍ ՉԱՓԱԶԱՆՑ ԵՐԻՏԱՍԱՐԴ ԵՄ»

ՎՈԼՖԳԱՆԳ ԱՄԱԴԵՈՒՍ ՄՈՑԱՐՏ

Արդարացումներ, որոնք չի ընդունում հաջողությունըԵրեք տարեկանում Մոցարտը լսում էր, թե ինչպես է իր ավագ քույրը սովորում նվագել կլավեսինի վրա և ինքնուրույն փորձում էր կրկնօրինակել մեղեդիները: Արդեն 10 տարեկանում նա գրեց իր առաջին սիմֆոնիան, իսկ առաջին հաջողված օպերան՝ ընդամենը 12 տարեկանում:

ԻՆԳՎԱՐ ԿԱՄՊՐԱԴ

Արդարացումներ, որոնք չի ընդունում հաջողությունըIKEA ընկերության մասին լսել են բոլորը, իսկ ահա նրա հիմնադրի՝ Ինգվար Կամպրադի մասին այնքան էլ շատ չեն իմացողները: Նա ծնվել է Շվեդիայի հեռավոր նահանգներից մեկում և դեռ մանկուց հակում ուներ ձեռնարկատիրությամբ զբաղվելու: Դպրոցում նա համադասարանցիներին մանր-մունր իրեր էր վաճառում, իսկ իր առաջին IKEA խանութը հիմնեց 1943 թվականին, երբ ընդամենը 17 տարեկան էր:

Իհարկե, այն դեռ նման չէր այսօրվա IKEA-ներին, քանի որ այնտեղ վաճառվում էին գուլպաներ, գրենական պիտույքներ և այլն: Բայց 8 տարի անց Ինգվարը կարողացավ մի լքված գործարան գնել և կահույքի փոքրիկ արտադրություն հիմնել՝ միաժամանակ թողարկելով նաև իր առաջին կատալոգը: Շուտով Ինգվար Կամպրադի հարմարավետ ու մատչելի գներով կահույքը հանրահայտ դարձավ ամբողջ աշխարհում:

«ԱՐԴԵՆ ՇԱՏ ՈՒՇ Է»

ԱՄԱՆՍԻՈ ՕՐՏԵԳԱ

Արդարացումներ, որոնք չի ընդունում հաջողությունըԱմանսիո Օրտեգան 13 տարեկանում աշխատանքի ընդունվեց հագուստի խանութում որպես առաքիչ: 37 տարեկանում, երբ արդեն դարձել էր վաճառքի խորհրդատու, Ամանսիոն հասկացավ, որ ժամանակն է ինչ-որ բան փոխելու: Կնոջ հետ նա հիմնեց տրիկոտաժային հագուստի փոքրիկ արտադրություն՝ հենց իր տան հյուրասենյակում պատվերներ ընդունելով ու հագուստ կարելով: 40 տարեկանում Ամանսիոն արդեն կարողացավ բացել իր առաջին խանութը: Այսօր նրան է պատկանում հագուստի խանութների մի հսկայական ցանց, որի մեջ ներառված են Zara, Bershka, Oysho, Pull & Bear, Stradivarius և Massimo Dutt բրենդները: .

ՅԱՆ ԿՈՒՄ

Արդարացումներ, որոնք չի ընդունում հաջողությունըWhatsApp-ի հիմնադիր Յան Կումը մոր հետ Ուկրաինայից գաղթել էր ԱՄՆ: Կյանքը նրանց համար բոլորովին հեշտ չէր: Տղան աշխատում էր որպես հավաքարար, ստանում էր տալոններ սննդի համար և մի կերպ էր հասցնում ծայրը ծայրին: 18 տարեկանում նա ծրագրավորում սովորեց և շուտով հաջողացրեց աշխատանք ստանալ Yahoo ընկերությունում: Իր գլխավոր նախագիծը՝ WhatsApp-ը, Յան Կումը կյանքի կոչեց 32 տարեկանում, իսկ 37 տարեկանում արդեն վաճառեց 19 միլիարդ դոլարով:

In this article


Join the Conversation